Knattspyrnufélag Vesturbæjar var stofnað 17. september 2004 af 11 ungum drengjum úr Vesturbæ Reykjavíkur. Liðið er að mestu skipað KR-ingum og spilar félagið heimaleiki sína á gervigrasvelli KR við Frostaskjól. Aðalbúningur KV er svartur og hvítur, varabúningur rauður, hvítur og svartur. KV leikur í 2. deild sumarið 2010. 

Stofnun félagsins
Hugmyndin á bak við stofnun félagsins varð til upp úr aldamótum. Ungir KR-ingar sem ekki voru tilbúnir að hætta að leika fyrir sitt lið eftir að þeir gengu upp úr 2. flokki réðust í það stóra verkefni að stofna sitt eigið knattspyrnufélag. Félagið var stofnað þann 17. september 2004 og skráð til leiks í 3. deild sumarið 2005. 

Leikmannahópur KV er að mestur skipaður drengjum úr Vesturbænum er hafa leikið upp yngri flokka KR. Þó hefur félaginu bæst góður liðstyrkur víðsvegar af landinu. 

Deildir
KV hefur notið mikilla vinsælda í Vesturbænum og hefur svarað eftirspurn eftir fleiri deildum en meistaraflokki karla. Félagið hefur tekið þátt í bikarkeppni HSÍ en þó er handknattleikur ekki stundaður að staðaldri í félaginu. 

 

Haustið 2007 var svo sett á stofn körfuknattleiksdeild sem sendir tvö lið í utandeild og eitt í bikarkeppni KKÍ. Körfuknattleiksdeildin er rekin sem sjálfstæð eining og er framtíðarmarkmið hennar að taka þátt í deildarkeppni KKÍ. KV hefur tekið þátt í Íslandsmótinu í borðtennis og í undirbúningi er stofnun píludeildar. 

KV er komið til að vera og mun halda áfram að vaxa og dafna 

Staðreyndir um KV 

• Heimavöllur: KV park við Frostaskjól (Gervigrasvöllur KR)
• Byggingarár: 2004 Mögulegur áhorfendafjöldi: 2000 (allt stæði)
• Staðsetning: Frostaskól 2, 107 Reykjavík. Vallarnúmer: 510-5300 (íþróttahús KR)
• Vallarstjóri: Dr. Sigurður Schram
• Áhorfendamet: KV – Ýmir, úrslitakeppni 3. deildar 2009: 600 manns
• Stærsti sigur: KV – KFK, 7-0, 1. júlí 2009
• Flestir leikir fyrir KV: Steindór Oddur Ellertsson (71)

Stjórn KV
Formaður: Páll Kristjánsson (pall (hjá) fckv.com) 849-5870
Björn Berg Gunnarsson
Einar Bjarki Gunnarsson
Guðmundur Óskar Pálsson
Kolbeinn Tumi Daðason