Nú geta KV menn nær og fjær tekið gleði sína á ný, því upp er komið nýtt spjallborð. Spjallborðið er ekki alveg fullklárað, en menn geta þó komist á borðið núna, sem er staðsett á fckv.com/spjall og látið gamminn geysa. Þá geta menn líka fylgst með nýjustu þráðunum á spjallborðinu hérna til hægri.

Skráning er ekki nauðsynleg til að menn geti tjáð sig, en þó er mælt með því að sem flestir skrái sig.

Við stjórnarmenn hvetjum líka flesta til að koma skoðun sinni á framfæri hvað framkvæmd árshátíðarinnar varðar, sem er á næstunni, hvað menn vilja gera um daginn og fleira í þeim dúr.

Fyrir þá sem vilja er hér mynd í ágætis gæðum af byrjunarliðinu í Grindavík á föstudaginn.

Smellið á myndina til að fá hana í fullri stærð.

Stuðningsmannafélag KV hefur valið þessa þokkafullu mynd af stjörnuleikmanni liðsins, Jóhanni Gunnari, mynd vikunnar. Jóhann fær að launum pizzaveislu fyrir einn.

Sumir skvetta framan í sig á föstudagskvöldum, ég er hins vegar á 24 stunda vakt hjá stórveldinu og útbjó eitt stykki bakgrunnsmynd. Það vantar nokkra þangað inn og ég reyni að púsla þeim inn seinna, nenni bara hreinlega ekki meiru eins og er.

Smellið á myndina til að fá hana í fulla stærð.

Eitthvað hefur borið á að myndir úr leikjum okkar hafi farið fram hjá mönnum. Ég linka yfirleitt inn á þær hér á síðunni þegar ég set þær inn, en yfirlit yfir nýjustu albúmin má sjá með því að smella hér.

Annars var ég að henda inn nokkrum myndum úr leiknum við Selfyssinga. Sjáið þær með því að smella á myndina að neðan.

Ég reyni svo að henda fljótlega inn myndum af leikjunum við Snæfell og Afríku.

Stebbi ver sitt fyrra víti í leiknum