Ég, Dabbi Lidt, er byrjaður með nýjan lið hérna á síðunni. Ég ætla að vera með svona leikhúsgagnrýni og mun byrja á að fjalla um verkið ,,Vesalingarnir” sem er einmitt á fjölum Þjóðleikhússins um þessar mundir.

Söngleikurinn Vesalingarnir er byggður á hinni frægu skáldsögu Victors Hugos sem gerist í París á fyrri hluta 19. aldar. Sögusviðið er sem sagt París, eða borg ástarinnar eins og ég kalla ‘ana. Ég ætla nú ekkert að fjalla um söguna en það er nóg af þrauli og svona. Draaaa.

Mér fannst sýningin allt í lagi. Nóg af söngi og svona. Ég þekkti eitt lag, þarna lagið sem Susan Boyle gerði frægt í X-factor. Svo var ég að meta stúkuna í leikhúsinu. Svona alvöru listaspýrens. Alvöru mjúkt. Svo í hálfleik þá fékk ég mér einn pard. Keypti mér svona lakkrís en mátti ekki taka hann inn í salinn því það var svona skrjáfur. Var að spá í að vera alvöru gemsi og taka hann inn en sleppti því. Fékk mér í vör í staðinn.

Þekkti nú ekki marga í leikhúsinu, en kannaðist samt við eina gellu frá því á B5.Held að hún sé að vinna á barnum. Alvöru blómarós.

En heilt yfir þá var þetta svona alvöru latt sýning. Rann mjúkt í gegn og ég náði að skola niður tveimur. Samt ekkert blend. 3 stjörnur.

-

Dabbi Lidt

Á nýjum búningum KV eru fjölmargar auglýsingar helstu styrktaraðila félagsins. Við viljum þakka kærlega fyrir stuðninginn því þau eru grundvöllur alls okkar starfs. Eftirfarandi fyrirtækjum þökkum við stuðninginn

Í gærkvöldi voru nýir KV búningar kynntir á Rauða ljóninu við hátíðlega athöfn. Mikil leynd hafði hvílt yfir nýju búningunum og mikil spenna ríkti meðal viðstaddra. Á meðfylgjandi mynd má sjá þá Gunna, Aron og Haffa. Rauða ljónið verður eins og áður hefur komið fram aðalstyrktaraðili KV í það minnsta næstu tvö árin og því við hæfi að kynna búninginn á Ljóninu sjálfu.

Gunni er í varabúningnum en Aron í aðalbúningnum.

Í kvöld verða nýir keppnisbúningar KV fyrir komandi tímabil kynntir á Rauða ljóninu.
Haffi verður með góð tilboð á mat og drykk og þá verður spurningarkeppni á milli árganga. Þá væntum við þes að KV ultraz muni jafnframt tefla fram liði.
Þá verða nýir og stórglæsilegir aðal- og varabúningar kynntir við hátíðlega athöfn en mikil leynd hefur hvílt yfir dressinum.
Við hlökkum til þess að sjá sem flesta í kvöld. Herlegheitin byrja kl. 21:15. Allir velkomnir!

Í kvöld kl. 20:00 tökum við Vesturbæingar á móti Sindramönnum í annarri umferð deildarbikarins. Bæði lið töpuðum sínum fyrstu leikjum, við ósanngjarnt á móti Aftureldingu 1-0 á meðan Sindramenn steinlágu fyrir Reynismönnum 6-0 í Reykjaneshöllinni.

Okkar menn ætla að sjálfsögðu að bæta fyrir tapið í fyrstu umferð og teflum við fram sterku liði í kvöld. Allflestir leikmenn eru klárir í bátana. Skúli Jónsson verður þó fjarri góðu gamni og þá eru þeir Danni og Atli Jónasar enn meiddir. Þeir Dóri Boga og Tommi koma inn í hópinn eftir meiðsli sem og Stebbi Hirst.

Leikurinn verður athyglisverður fyrir þær sækir að Kalli (Björgvin Karl) kemur til með að stjórna liðinu. Hann er um þessar mundir að ljúka UEFA-a prófi og er það liður í prófum að stjórna meistaraflokksliði undir eftirliti prófanefndar.

Við hvetjum alla til þess að mæta í kvöld. Þá má geta þess að á morgun, laugardag, mætum við 2. flokki í æfingaleik kl. 14:00 og er sá leikur fyrst og fremst hugsaður fyrir þá er minna hafa spilað og þá sem hafa verið meiddir og lítið með.