Ath að vegna leiksins verður ekki hádegisæfing á morgun.

Varnarbuff KV, Þorgils Helgason, er getið hefur sér gott orð innan hins svokallaða „bjútíbransa“ hefur miklar áhyggjur af svokölluðum PIP sílkonpúðum er fjölmargar íslenskar stúlkur bera í barmi sér.

,,Omg…ég á sko margar vinkonur sem eru með svona sillara í brjóstunum og ég hef miklar áhyggjur. Sjálfur hef ég ekki farið í neinar fegrunaraðgerðir, en ég lít ekki á botox sem aðgerð.

En hvað finnst Þorgils um svona aðgerðir?

„Ég er mikið á móti þeim. Sjálfstraustið verður ekki keypt með slíkum púðum. Ég hef alltaf sagt að hin innri fegurð skipti mestu máli. Oft er nefnilega flagð undir fögru skinn, segir maður það ekki?“ sagði Þorgils spyrjandi röddu.

En að lokum, hvað er Þorgils með í snyrtibuddunni?

„Snyrtibuddan er full af augnskuggum og kinnalitum. Eitthvað sem ég kaupi alltaf ef ég kaupi snyrtivörur. Þar er líka maskari, svartur augnblýantur og appelsínugulur varalitur. En annars nota ég frekar lítið af snyrtidóti.“ sagði Þorgils kátur að lokum.

Fyrsti æfingaleikur ársins verður á föstudaginn kemur er við heimsækjum KB í Breiðholtið.
Fram að þeim leik æfum við mánudag, þriðjudag og fimmtudag kl. 20:00.

„Það er ekki nokkur spurning að það var skóreimin sem var vinsælasta gjöfin undir jólatrénu í ár“, sagði Ólafur Þór Kristinsson, eða Óli í Smash,  aðspurður um hvað hefði selst best í desembermánuði.

„Það er nýjasta í töffarabransanum í dag að nota skóreim sem belti. Maður einfaldlega bindur hana um sig miðjan. Þetta er rosalega töff og inn hjá okkur vinunum. Ég byrjaði á þessu síðasta sumar og fljótlega fóru Dabbi lidt og Auðunn að gera það sama. Mér finnst þetta rosalega flott og skrítið að menn skuli ekki hafa byrjað á þessu fyrr. Buxurnar haldast alveg mjög neðarlega“ sagði Óli undrandi.

„Við í Smash erum með allar týpur af reimum, mjóar, þykkar, millistærð og í öllum litum sem þú getur ímyndað þér. Supremebeing reimarnar voru langvinsælastar enda henta þær flestum, geta náð allt að 1 meter. Sjálfur nota ég 30 cm Obey reimar, það dugar alveg á mér. Er samt ekki frá því að ég hafi bætt svona 1 cm á mig yfir jólahátíðina” sagði Óli svo stríðnislega.

En hvað telur Óli í Smash að verði heitast í sumar?  ,,Ég er að byrja núna að ganga með svona klút í rassvasanum og læt hann svona lafa vel niður að hæl. Annars gæti ég trúað því að Fubu gallinn komi aftur sterkur inn. Hann er náttúrulega klassík.”



Samkvæmt áætlun þá hefjum við æfingar á nýjan leik á morgun, þriðjudag. Æfingin hefst að venju kl. 20:00.
Nú hefjast æfingar fyrst fyrir alvöru og mikilvægt að menn mæti og æfi vel.