Þeir sem spiluðu 70+ í kvöld fara út að skokka á morgun og teygja vel. Frí hjá öðrum um helgina – mönnum er þó að sjálfsögðu frjálst að hreyfa sig. Við æfum næst á mánudag kl. 20.

Stjörnukantmaður KV liðsins, Valdemar Ásbjörnsson, hefur sett íbúð sína á Boðagranda á sölu. Ástæðan er einföld, Hafnarfjörðurinn heillar. Allt frá því að fjölskyldan, mjög svo eðlilega, flutti í Hafnarfjörðinn hefur hugurinn reikað suður, en Valdemar hefur fest augun á „gómsætri“ íbúð, eins og hann orðaði það sjálfur, í hinu nýja og bráðhuggulega Vallarhverfi.

,,Sko, ég elska Vallarhverið. Náttúran, álverið og allt. Mamma, pabbi og Kata systir búa þarna og hafa komið sér vel fyrir og svo er Bívar mjög oft í heimsókn. Þá býr Golsen í Keflavík. Við erum einmitt að fara til New York í næsta mánuði að halda upp á sambandsafmælið. Við erum búin að vera ýkt lengi saman og bralla margt.“

En kemur Valdemar ekki til með að sakna Vesturbæjarins.

,,Nei hreint ekki. Veistu nefnilega að Vesturbæjarís er búinn að opna útibú í Hafnarfirði og það sem betra er að það er aldrei biðröð. Ég og Golsen erum búin að kíkja og í gær prufuðum við gamla ísinn á báðum stöðum. Keyrðum bara á milli á Golsen bílnum. Hann var alveg nákvæmlega eins. Erum að spá í að gera þetta aftur í kvöld til þess að kanna hvort þetta hafi verið tilviljun. Maður fer aldrei of varlega“ sagði Valdi kaldi að lokum og bað fréttamann um að koma því á framfæri við lesendur að næsta helgi yrði tvöföld.

Við unnum í gær ágætan 4-2 sigur á liði KB. Aðstæður í Breiðholtinu voru vægast sagt erfiðar en sterkur vindur setti nokkuð strik í reikninginn. Við komumst snemma yfir í leiknum með mörkum frá Gunna og Dabba og útlit var fyrir stórsigur okkar manna. Hins vegar gerðumst við sekir um tvenn mistök er kostuðu okkur mörk og jöfnuðu þeir leikinn.

Dabbi kom okkur yfir fyrir lok hálfleiks og stóðu leikar því 3-2 er flautað var til hlés. Gunni skoraði svo fjórða mark okkar manna um miðjan síðari hálfleikinn er hann fylgdi eftir fastri aukaspyrnu Dabba sem markmaður heimaliðsins náði ekki að halda. Lokatölur því 4-2.

Byrjunarlið KV (4-2-3-1): Danni – Auðunn, Kalli, Danni, Atli – Skúli, Dóri Boga – Dabbi, Einar Bjarni, Aron – Gunni.

Bekkur: Maggi, Steinn, Ingvar, Óli, Gonni og Gummi