KV lagði Ægi frá Þorlákshöfn í æfingaleik á KV Park í gærkvöldi. KV komst í 4-0 en gestirnir minnkuðu muninn á síðustu mínútum leiksins. Mörk KV skoruðu þeir Brynjar Orri Bjarnason (2), Magnús Helgason og Gunnar Kristjánsson. Tómas Kjartansson og Matthías Bjarnason skoruðu mörk gestanna.
Hér má sjá myndbrot úr leiknum.
HK menn hafa tekið saman helstu atvik leiks HK og KV á dögunum og má sjá þau með að smella hér.
KV mætti íslands – og bikarmeisturum KR í æfingaleik í gærkvöld. Leikurinn var ágætis áminning um mikilvægi þess að vera í líkamlegu standi en í stöðunni 2-2 þegar korter var til leiksloka gáfu KR-ingar í og sigruðu loks með 5 mörkum gegn tveimur.
Vörnin var helst til lek í leiknum en ljósu punktarnir eru að sóknartilburðir KV voru margir til fyrirmyndar og sköpuðust fullt af færum. Sennilega jafnasti æfingaleikur KR-inga það sem af er undirbúningstímabilinu og fínn vitnisburður um styrk KV.
Ágúst Ingvarsson, pródúsent, tók upp leikinn og frumsýnir hér á síðunni mörk KV í leiknum, en þau skoruðu þeir Davíð Birgisson og Ólafur Már Ólafsson.
Ágúst Ingvarsson, spunameistari og ljósmyndari, tók saman þetta fína myndband af síðari viðureign KV og Augnabliks í haust. KV sló þar Kópavogsbúa út úr úrslitakeppninni og fór svo alla leið í úrslitaleikinn þar sem bikarnum fræga var lyft.
Ágúst „Ölmóður“ Ingvarsson var á myndavélinni þegar KV sigraði Augnablik 2-1 á föstudaginn. Þetta glæsilega myndband er afraksturinn.
