Annað kvöld tökum við á móti ÍH í leik sem skiptir gríðarlegu máli. Munum hvernig okkur leið í úrslitakeppninni síðasta sumar, hvað okkur langaði í 2. deildina og hvað við lögðum á okkur til að komast þangað sem við erum í dag. Ef við fáum þá stemningu í hópinn fyrir leikinn gegn ÍH rúllum við þeim upp.

Til að rifja upp tilfinninguna er hér myndband sem Bjössi Max tók saman af leiknum ógurlega gegn Ými í fyrra.

KV – Ýmir

Ölmóður Egilsson, betur þekktur sem Ágúst Ingvarsson, sauð saman þetta glæsilega myndband af viðureign KV og Elliða í 1. umferð VISA bikarsins á dögunum. Páll „sem áll“ Kristjánsson, formaður, tjáði sig um þetta framtak Ágústar og sagði „það er gaman að þessum myndböndum“.

KV sjónvarpið er komið á fleygiferð nú þegar Ágúst “Ölmóður” Ingvarsson, sjónvarpsstjóri, hefur lokið prófatörn sem kostaði hann nærri því lífið.

Hér eru skemmtilegir taktar úr leik okkar við Víðismenn í Lengjubikarnum um daginn.

Ágúst “Ölmóður” Ingvarsson tók saman þetta glæsilega myndband úr æfingaleik okkar við KR um daginn.

Á árshátíð KV í fyrra gerðum við okkur glaðan dag sem aldrei fyrr þegar við gerðum upp tímabilið. Heima hjá Ásgeiri fékk lagið “Losing a Friend” þá að hljóma við gríðarlegan fögnuð viðstaddra, eins og sjá má á myndbandi sem Hannes tók. Margir hverjir hafa eflaust séð umrætt myndband, en fyrir þá sem eru ekki svo lánsamir þá er það komið hérna á síðuna (via YouTube að sjálfsögðu).

Og sem endranær þá verður að smella á meira til að sjá myndbandið.

Í aðalhlutverkum eru (í stafrófsröð) Ágúst Ingvarsson, Eðvarð Þór Hackert, Páll Kristjánsson, Steindór Oddur Ellertsson & Sturla Harðarsson.

Birt án góðfúslegs leyfis Hannesar Bjartmars Jónssonar.