Lífsreynsla er lexía sem maður lærir skömmu eftir að maður þarf á henni að halda.

Það segi ég alltaf.

Óttar á góðri stundu. Stúlkan er ekki talin tengjast málinu beint.

Það varð allt gjörsamlega snarvitlaust á æfingu hjá Vesturbæjarstórveldinu í gær þar sem tveimur leikmönnum lenti saman. Það voru þeir Ingvar Rafn Stefánsson og Óttar Kristinn Bjarnason og stefndi í blóðbað um tíma, eða þar til Óli í Smash kom fyrir þá vitinu.

Þetta ku eiga sér langa forsögu en þeir kumpánar eru taldir “representa” vestur og austur, en Ingvar er sem kunnugt er frá Eskifirði og Óttar frá Bolungarvík. Þar taka menn heimahagana mjög alvarlega og þegar talið barst að byggðakvóta á æfingunni í gær fór allt í  háaloft.

Páll Kristjánsson, lögmaður, segir að héðan í frá verði þeim Ingvari og Óttari haldið aðskildum á æfingum eða „þangað til þeir átta sig á því (eða amk. Óttar) að það er bara til eitt alvöru west side“. Heyrðist þá í Ola von Smasch hátt og snjallt “hehe fuck yeah Palli!”

KV lék í gærkvöld sinn fyrsta opinbera keppnisleik á þessu tímabili er liðið heimsótti Afureldingu í kuldann í Mosfellsbæ. Lokatölur urðu 1-0 heimamönnum í vil þar sem að KV hélt boltanum og stjórnaði leiknum en Afturelding sótti hratt og ógnaði í föstum leikatriðum.

Bæði lið fengu hálffæri í fyrri hálfleiknum en Danni réði auðveldlega við tilraunir heimamanna á meðan að það vantaði örlítið uppá ákvarðanatöku KV manna á sóknarþriðjungi. Gunni og Brynjar komu að vísu knettinum tvisvar í netið en voru í báðum tilfellum dæmdir rangstæðir.

Mark Aftureldingar kom um miðjan síðari hálfleik eftir þeirra bestu sókn í leiknum þegar þeir léku knettinum laglega upp hægri vænginn í fáum snertingum. Boltinn barst að lokum til Arnórs Þrastarssonar sem skaut knettinum í bæði Einar Bjarna og Gumma áður en hann hafnaði í netinu.

Í kjölfarið féllu heimamenn enn aftar á völlinn og Valdi sem var nýkominn inná komst þrívegis í ákjósanleg færi til að jafna leikinn en var óheppinn að skora ekki. Eins fengu Aron og Gunni góð færi ásamt þremur aukaspyrnum við teig Aftureldingar en inn vildi boltinn ekki. Lokastaðan því 1-0 þar sem að heimamenn fögnuðu vel og innilega en KV menn gengu svekktir af velli og töldu sig hafa átt meira skilið.

Það var mál manna að KV liðið hafi leikið vel á stórum köflum en að þessu sinni hafi það verið andlegi þátturinn sem hægði á liðinu. Eitthvað sem þjálfarar og leikmenn liðsins eiga að geta unnið vel í fyrir næsta leik í Lengjubikarnum sem verður gegn Sindra laugardaginn 24. mars á KR-velli.

Lið KV í leiknum:

Danni – Gummi (Ingvar) – Auðunn – Einar Bjarni – Atli Valur – Jón Kári (Kalli) – Skúli (Aron) – Davíð – Einar Már (Valdi) – Brynar (Óttar) – Gunni.

Einar Bjarni, Jón Kári, Atli Valur, Gunni og Óttar léku allir sinn fyrsta opinbera leik fyrir KV í gær.

Að þessu sinni rennir Óli sér á hjólabrettinu niður minningarstíg og kynnir fyrir okkur upphaf Gangsta rappsins, lagið Straight outta Compton með N.W.A.

Lagið, sem gefið var út árið 1988, hafði gríðarlega áhrif á ungu kynslóðina en segja má að attitutið í rappinu almennt hafi tekið nokkrum breytingum í kjölfarið. Menn urðu harðari og það telur Óli hafa verið gott skref.

Check it, rappið var svona Kid ‘N Play drasl eitthvað fyrir þetta. Þarna voru mættir blökkumenn með viðhorf (N.W.A.), fokk harðir sko, sem röppuðu bara eins hart og þeir lifðu. Í dag virðist rapp heimurinn vera farinn að mýkjast aftur en ég vil að menn hafi það á hreinu að ég er ennþá straight up gangsta.

Í nýjum lið hér á síðunni kynnir Óli í Smash, óumdeildur thug, það heitasta í fokking rappinu.

Til að sparka þessum andskota af stað dugar náttúrulega ekkert minna en tvisturinn sjálfur, 2Pac Shakur. Um er að ræða ábreiðu af laginu Broken Wings með Mister Mister og segir Óli að um sé að ræða tónlistarlegan jafnoka loftsteinsins sem útrýmdi risaeðlunum, slíkur sé krafturinn.