Það er gaman frá því að segja að skemmtikrafturinn og KV-maðurinn Erik Chaillot mun taka við af Spaugstofunni á RÚV í vetur. Strákurinn fer vel af stað eins og sjá má á meðfylgjandi myndbandi.

Skemmtilegt myndband Eriks

Hreinn Bergs lék sinn fyrsta leik fyrir KV í gær og skoraði í honum glæsilegt mark (eftir öööörfáar tilraunir). Hreinn ætlar sér stóra hluti með KV í sumar en frændur okkar KR-ingar voru svo vænir að lána hans til okkar fyrir núverandi og komandi átök.

Vesturbæingar nær og fjær fagna komu Hreins og bjóða hann velkominn í hlýjuna og lognið í Frostaskjólinu.

Leikurinn gegn KFR er gríðarlega mikilvægur fyrir okkur. Leikið verður á Hvolsvelli, þaðan sem við sóttum þrjú stig fyrr í sumar. 18. júlí mættu Rangæingar í heimsókn vestur í bæ þar sem við sigruðum 3-0 í leik þar sem gestirnir hefðu vel getað sett mörk í upphafi leiks.

Þeim hefur gengið þokkalega síðan þá og ljóst að við höfum engan vegin efni á neinu vanmati. Þeir lágu 2-4 heima fyrir KFS, sigruðu Ægismenn 3-2, töpuðu 0-1 fyrir Árborg og loks 3-0 fyrir Berserkjum á miðvikudaginn.

Hópurinn og ferðatilhögun verður sett á síðuna innan skamms.

Það sló þögn á Vesturbæinn í morgun þegar fréttist af félagsskiptum Hlyns Valssonar í Augnablik. Hlynur hefur um nokkra hríð gert hosur sínar grænar fyrir Kópavoginum eins og meðfylgjandi mynd gefur glöggt til kynna.

Við búumst fastlega við að Hlynur sjái fljótlega að sér og snúi aftur, enda tónar svarti liturinn mun betur við húðlit hans en hvítt og grænt og er hann alltaf velkominn aftur.

KV þakkar mjög gott samstarf síðustu ár og óskar Hlyni og fjölskyldu velfarnaðar á nýjum vettvangi.