Vesturbæingar sóttu þrjú gríðarlega mikilvæg stig á glæsilegan Þorlákshafnarvöll í gær. Það verður seint sagt að sigurinn hafi verið auðveldur en sætur var hann.

Við hófum leikinn mjög vel og það var á 6. mínútu sem fyrsta markið datt í hús, en þar var að verkum Valdemar Ásbjörnsson. Gaman er að segja frá því að stórfjölskyldan skoraði þrennu í gær því Katrín systir hans tryggði KR-ingum sæti í bikarúrslitum og Björn Ívar, mágur Valdemars, skoraði eflaust einnig.

Minnstu mátti muna að Brynjar Orri Bjarnason kæmi KV í 2-0 en Ægismenn réðu þó að mestu ferðinni fram að hálfleik. Það dró þó heldur betur til tíðinda rétt fyrir hálfleik þegar heimamenn geystust fram í skyndisókn. Geisla-Gonni reyndi að halda aftur af Michael Jónssyni sem brást illa við og gaf honum einn á lúðurinn, eitthvað sem Gonni hefur ekki lent í síðan á Pizza Pronto í den. Út af fór Michael og KV manni fleiri í síðari hálfleik.

Lítið gekk þó síðustu 45 þó þeir Auðunn og Valdemar hafi komist nokkuð nærri. Skömmu fyrir leikslok innsiglaði drengurinn Auðunn þó sigurinn í kjölfar tilraunar Valdemars og á 90 mínútu fékk Matthías Björnsson, varamaður Ægis, rautt spjald fyrir kjaft.

Næsti leikur er í Kópavogi á miðvikudaginn.

Hugvitsamleg lausn á derhúfuleysi

Davíð lék sinn fyrsta leik fyrir KV

Eins og hún sagði er erfitt að kyngja þessu.

Mörk KV skoraði Hreinn Bergs.

KV sigraði Hlíðarendapilta 4-1 í þriðju deildinni á miðvikudag. Penni síðunnar fór á stúfana og komst að því að sigurinn er sá stærsti síðan KV lagði Skallagrím eftirminnilega 6-2 í Borgarnesi 21. ágúst 2009.

Mörk KV komu öll á síðustu 5 mínútum leiksins og voru þar að verki Hreinn Bergs með tvö, Valdemar Ásbjörnsson og Auðunn Gylfason.

Í lok leiks var drengurinn Þorgils Helgason útnefndur maður leiksins af stjórn fyrir vasklega framkomu.

Vesturbæingar gerður sér lítið fyrir og slóu Deildarbikarmeistara Aftureldingar út úr bikarnum á heimavelli þeirra að Varmá á mánudag.

Leikurinn spilaðist þannig að heimamenn voru meira með boltann en KV menn voru talsvert hættulegri upp við mark Mosfellinga. Snemma leiks fékk Aron Sigfússon algjöran leddara eftir góða sendingu frá Byko drengnum en skalli hans af markteig fór beint í fang markmannsins. Því næst slapp Alistair McBodie einn inn fyrir en skot hans fór í hliðarnetið.

Stefán Hirst hafði lítið að gera í fyrri hálfleik en greip nokkrum sinnum ágætlega inn í. Síðari hálfleikur fór svipað af stað og fékk Valdemar Ásbjörnsson kjörið tækifæri til að koma KV yfir þegar skot hans af vítateig fór hátt yfir.

Eftir um klukkutíma leik fékk Egill Ólafsson, varnarhnullungur KV, heilahristing og þurfti að bruna upp á Borgarspítala þar sem hann fékk stíl í rassinn og hefur það að sögn eftir atvikum gott.

Þegar tuttugu mínútur lifðu af leiknum dró svo heldur betur til tíðinda. Arnljótur Ástvaldsson prjónaði sig fram hjá varnarmönnum við vítateigsjaðarinn og var felldur. Hann tók sjálfur aukaspyrnuna og lagði hana yfir varnarvegginn í stöngina nær og út í markteig þaðan sem Valdemar Ásbjörnsson potaði honum inn. Valdemar þessi er rjúkandi heitur þessa dagana og hefur auk þess verið iðinn við kolann inni á vellinum.

Vesturbæingar héldu þetta svo út til leiksloka og tryggðu sér því farseðilinn í 32 liða úrslit bikarsins.

Stjórn KV sendi nú á ellefta tímanum frá sér tilkynningu þar fram kemur að KV hefur formlega farið þess á leit við KSÍ að svo verði bundið um hnútana að liðið fái heimaleik við Val.

Valdemar skorar fyrra mark sitt gegn Hamri í deildarbikarnum

KV sigraði Ægi 4-2 í fyrstu umferð bikarsins á laugardag. Leikið var í Þorlákshöfn og komust heimamenn yfir í tvígang 1-0, og 2-1 en í góðum síðari hálfleik sigldu Vesturbæingar fram úr.

Fyrsta mark var sjálfsmark en eftir fylgdu mörk frá Brynjari Orra Bjarnasyni og Valdemari Ásbjörnsson en hann hefur verið baneitraður að undanförnu og raðað inn mörkunum. Það var svo fyrirliðinn Aron Steinþórsson sem innsiglaði sigurinn.

KV mætir Aftureldingu að Varmá í næstu umferð.