Eftir árs útlegð í Hveragerði hefur týndi sonurinn snúið aftur. Hann kom röltandi niður stíginn, með bakpoka fullan af minningum, bankaði upp á og var orðalaust hleypt inn í hlýjuna. Ekkert var sagt fyrr en síðar um kvöldið þar sem hann lá undir teppi í stofunni, dauðþreyttur eftir ævintýri sín og hvíslaði með augun lokuð„það er gott að vera kominn heim.“

Varnarmaðurinn Ingvar Rafn Stefánsson hefur ákveðið að yfirgefa KV og gengið til liðs við lið Ísbjarnarins.

Ingvar gekk til liðs við KV fyrir um tveimur árum síðan. Ingvar lék lykilhlutverk í vörn liðsins í fyrra er sigraði eftirminnilega 3. deildina. Hann lék 29 deildar- og bikarleiki og skoraði í þeim 2 mörk.

Stjórn KV þakkar Ingvari fyrir árin og óskar honum góðs gengis á nýjum vettvangi.

Guðmundur Pétur Sigurðsson var heiðraður fyrir leik KV og KFR síðastliðinn laugardag. Gonni spilaði þá sinn hundraðsta deildar- og bikarleik fyrir félagið sem gerir hann jafnframt að leikjahæsta leikmanni í sögu félagsins.

Leikir hans eru þó mun fleiri því deildarbikar og æfingaleikir eru ekki inn í þessari tölfræði.

Á meðfylgjandi mynd tekur Gonni við gjafaöskju úr hendi framkvæmdastjóra félagsins.

Vakin er sérstök athygli á svipnum er Gonni býður upp á, en þetta er svokölluð dýrari týpan.

KFR lék sinn fyrsta leik í 2. deild þegar liðið sótti Vesturbæinga heim. Liðin fóru saman upp úr 3. deild síðasta haust, en KV hafði betur í úrslitaleiknum.

Heimamenn náðu strax undirtökum í leiknum en Rangæingar pressuðu hátt og spiluðu fastan og hraðan fótbolta þegar færi gafst til. Fyrri hálfleikur var nokkuð tíðindalítill, eða þar til Hreinn Bergs, sóknarmaður KV, skallaði boltann í netið eftir hornspyrnu. 1-0 var staðan í halfleik sem endurspeglaði nokkuð vel fyrri hálfleikinn.

Fljótlega varð þó ljóst í hvað stefndi í síðari hálfleik, þar sem Vesturbæingar réðu lögum og lofum. Helgi Ármannsson og Andrezej Jakimczvk voru sprækir í liði heimamanna en náðu ekki að ógna að ráði. Strax á fimmtu mínútu síðari hálfleiks prjónaði Einar Már Þórisson sig milli tveggja varnarmanna KFR og var felldur. Davíð Birgisson skoraði örugglega úr vítinu og kom KV í 2-0. Nokkru síðar skoraði Brynjar Orri Bjarnason fínt mark fyrir heimamenn sem flautað var af vegna rangstöðu. Á síðustu 10 mínútum leiksins var svo komið að þætti Jóns Kára Eldon, sem lék aftarlega á miðju KV. Hann skoraði tvö mörk úr aukaspyrnum, af nánast sama færi, bæði niðri í nærhornið og kom Maciej Majewski engum vörnum við. Virkilega fallega mörk hjá Jóni Kára og hann innsiglaði þar með 4-0 sigur heimamanna.

Fyrir leik fékk Guðmundur Pétur Sigurðsson, hægri bakvörður KV, viðurkenningu frá stjórn félagsins, en hann lék sinn 100. leik fyrir félagið.

Vesturbæingar taka á móti Rangæingum á laugardag í 1. umferð 2. deildar. Liðin fóru saman upp úr 3. deild í fyrra, en KV fór með sigur af hólmi í úrslitaleiknum.

Lið KFR hefur styrktst til muna á undanförnum árum og var mjög sterkt síðasta sumar, eins og Vesturbæingar muna. Liðið spilar hratt og fast, en helsti styrkleiki þess er sennilega líkamlegt form.

Stuðningsmenn eru hvattir til að fjölmenna í veðurblíðunni í Vesturbænum, en leikurinn hefst kl. 14:00.

Umfjöllun Fótbolta.net um KFR

Steinn Friðriksson skorar sigurmark KV gegn KFR í úrslitaleik 3. deildar í haust