Davíð Birgisson, sóknarmaðurinn knái í liði KV, er maðurinn sem tryggir að pósturinn skili sér alltaf í tæka tíð.

„Maður er að sendast með mikilvæg ábyrgðarbréf, rjúkandi heitar sætabrauðslengjur og allt þar á milli og þá borgar sig að vera snar í snúningum“ segir Davíð glaður en ákveðinn, en hann fær afnot af skellinöðru í sumar.

„Það hefur sína kosti og galla. Í bílnum get ég verið með Conga súkkulaði og appelsín í gleri en eiginlega ekki á hjólinu“.

En hvers vegna er þá verið að setja hann á svona skutlu? „Maður er svo snar í snúningum þannig. Svo fæ ég bjöllu svo fólk viti að ég er að koma og er duglegur að nota hana“

Bjallan hefur þó líka annað í för með sér, er það ekki Davíð? „hehe jú maður er orðinn svona hálfgerð cult týpa í vesturbænum, krakkarnir heyra lætin, hlaupa oft við hliðina á mér og hvetja mig áfram, það er alveg gaman sko. En þess vegna er líka mikilvægt að vera með hjálm, maður er náttúrulega viss fyrirmynd.

Sú var tíðin að forsvarsmenn Knattspyrnufélags Vesturbæjar höfðu helst áhyggjur af því, í samskiptum sínum við Áfengis og tóbaksverslun ríkisins, að leikmenn undir aldri væru afgreiddir. Nú er vandinn hins vegar annars eðlis.

Stjörnuleikmaður KV, Geisla-Gonni, hefur nú samfleytt í 5 ár ekki geta mætt á réttum tíma á æfingar þar sem hann er alltaf í vinnunni þar til 2-3 mínútur eftir að æfingar hefjast. Sökum þessa hefur Gonni ekki náð að hita upp með félögum sínum á æfingum sem eykur á meiðslahættu. Það minnkar um leið möguleika liðsins, enda um lykilmann að ræða.

Heimasíðan hefur fyrir því öruggar heimildir að Páll Kristjánsson, formaður félgsins, hafi ritað bréf til verslunarstjóra ÁTVR á Seltjarnarnesi þar sem biðlað er til þeirra um að loka verslunum fimm mínútum fyrr.

Ekki hefur fengist staðfest að um sé að ræða herkænskubragð af hálfu þeirra Seltirninga sem styðja Gróttu, en það þykir ólíklegt þar sem þeir eru víst báðir bindindismenn.